Hea變認真一 roll機，余文樂樣子變得異常認真，仲 chok樣交足戲，喺德興街來回走咗幾次。 

媽咪姐

余文樂瞬間變面

媽咪姐好欣賞變面呢種技能，嗱嗱嗱，唔係女星沉寂一排、愈變愈靚嗰種，而係拍戲時，明星瞬間做出不同表情嗰種變面呀。

周二（ 3日），電影《大峽谷》（前名《赤道》）喺佐敦德興街取景，飾演情報科探員嘅余文樂，當日表情多多，一時指手畫腳，一時飲果汁消暑。不過一 roll機，嘩，即刻入戲，鬼咁 serious。拍完，抽離角色，笑笑口又變番平日嘅余文樂。
當晚韓國型男崔始源其實都在場㗎，不過余文樂同佢似乎冇乜兩句。點知今日睇樂仔微博，兩位猛男竟然戚眉 chok樣一齊合照。睇嚟余文樂變面醒，埋堆功夫更係勁呀！

指手畫腳余文樂未開拍已經好多表情，其間手郁郁，成個導演咁。 

反眼鬼臉轉個頭，余文樂由認真轉去搞笑 mood，反白眼整古做怪。 

韓國型男崔始源喺戲中飾演刑警。當晚佢在場 standby，頻頻同工作人員傾偈。即使余文樂喺身邊走過，雙方亦冇交談。 

拍完一晚通宵戲，兩位猛男 friend咗。余文樂第二日（周三）更上載一張 chok樣合照。 

(繼續閱讀...)